Праўда, калі АЭС будзе будавацца расіянамі на расійскія грошы, то на інфраструктуру прыйдзецца шукаць іншыя сродкі.
Аднак, як піша "Народная газета", да моманту з'яўлення АЭС ўлады плануюць пабудаваць у Астраўцы паўнавартасны спартыўны комплекс, у склад якога, апроч хакейнай арэны, увойдуць басейн і аквапарк, а яшчэ непадалёк ад АЭС з'явяцца гіпермаркет, лагістычны цэнтр, дзясятак школ і ў два разы больш дзіцячых садоў, цэнтр творчасці дзяцей і моладзі, сярэднеспецыяльныя і прафесійна-тэхнічныя навучальныя ўстановы, а, магчыма, нават філіялы універсітэтаў. Усё гэта разлічана ў асноўным на жыхароў трох новых мікрараёнаў, у якіх будуць пражываць каля 25 тысяч чалавек.